Europar Batasunerako Espainiako Estatu Idazkaria den Marco Aguiriano PSOEko kideak burla egin digu jadanik ezabatu dituen txio batzuen bidez.
Ostegunetik ostiralerako gauean gertatu da. Ordurako, Marco Aguiriano-ren Twitter-eko kontua (@marcoaguiriano) jakinarazpenez beterik zegoen. Astelehenean Luxenburgon IRPHaren epaiketan Espainiako abokatuaren paperarekin haserre zeuden hiritarren mezu mordo bat jaso zituen. Izan ere, Europar Batasuneko Justizia Epaitegirako estatuaren abokatutza Aguirianok zuzentzen duen Idazkaritzaren kontrolpean dago, eta astelehenean epaitegian abokatuak banketxeen alde egiteko erabili zuen indarrak atentzioa eman zuen. IRPHa abusukotzat ez jotzearen alde egin zuen, eta abusukotzat joko balitz, kaltedunei euro bat ere ez itzultzea eskatu zuen gainera.
Aguirianoren Twitter-eko jakinarazpenak hilabete batzuk lehenago hasi ziren, gure kontutik bertatik (@iprhstop_gpzkoa) behin baino gehiagotan eskatu baikenion Rajoyren gobernuak banketxeen alde ezarri zuen ildoa aldatuko ote zuen ala ez argi zezan. Baina ez zuen sekula erantzun, nahiz eta Twitter-eko bere profilean “dialogante hasta la extenuación” dela esaten duen eta solaserako gonbita egiten duen “¿hablamos?” batekin.
Baina ostegunetik ostiralerako gauean bai, goi karguak erantzutea erabaki zuen, eta ordu txikitan idatziriko lau txio gogoangarri argitaratu zituen. Horietako batetan, Estatu Idazkariak kaltetu baten akats ortografikoei burla egiten die (eta azentu bat falta duen txio batekin egiten du)
A otro afectado le responde en inglés, y lo califica de ridículo por tener sólo 48 seguidores en Twitter (y es que él la tiene más larga, la lista de seguidores)
Beste bati ingelesez erantzuten dio, eta erridikulutzat jotzen du Twitter-en 48 jarraitzaile besterik ez dituelako (berak luzeagoa baitu, jarraitzaileen zerrenda)
Hirugarren txioan IRPHari loturiko hipoteken inguruan duen iritzia bistaratzen du. Kaltedunei hipoteka merkeekin espekulatzea egozten die(nahiz eta IRPHari loturiko hipotekak beti egon izan diren bataz besteko hipoteka baino garestiago), eta oso azkarrak ginela uste genuen arren apustu egin eta galdu egin genuela esaten digu. Fórum Filatélico aipatuaz ausnar egitera gonbidatzen gaitu. Gogoratu behar da Fórum Filatélico delakoa milaka inbertsore kaltetu zituen iruzur piramidal bat izan zela, eta beraz ez duela inolako zerikusirik etxebizitza erosi ahal izateko mailegua kontratatu dugunokin.
Laugarren txioa misteriotsuagoa da: hilean 7.000 euro galtzen dituela esaten du, konbikzioz eta guztion babesean aritzeko (?).
Goizak aurrera egin ahala Aguirianok lau txioak ezabatu zituen eta barkamena eskatu zuen, modu surrealista batetan: teknologia berriekin duen abilezia ezari erreferentzia eginaz eta pertsona bakar bati idatzi nahi ziola esanaz. Ez ditu beraz bere hitzak gaitzesten, eta argitara eman izanaz bakarrik damutzen da.
Aguiriano jaunak dimisioa eman edo kargugabetua izan behar du. Gaueko ordu txikitako bere txioek argi erakusten dute zer pentsatzen duen, eta barkamena eskatzeko argitaratu duen txioak konfirmatzen du.
Helarazi iezaiozu zure iritzia Twitter-eko bere kontura: @marcoaguiriano