Gorenak esandakoari muzin egin eta IRPHa baliogabetzen duen lehen epaia

AUZITEGI GORENAK ESANDAKOARI MUZIN EGINDA IRPHa BALIOGABETZEN DUEN LEHEN EPAIA

AMURRIOKO (ARABA) EPAITEGI BATEK IRPHaren KLAUSULA ABUSUZKOTZAT JO DU, EUROPAKO JURISPRUDENTZIA APLIKATUZ

FROGATUA GERATZEN DA GORENAREN EPAIAK EZ DUELA BIDE JURIDIKOA AGORTU, ETA ARGI GERATZEN DA IRPHa EUROPAKO EPAITEGIAK EPAITUKO DUELA

Donostia, 2018-1-19

Amurrion (Araba) urtarrilaren 15ean ebatzitako epai bat izan da Espainiako Auzitegi Gorenaren aurka egin eta IRPHaren klausula bertan behera uzten lehena. Guk ezagutu dugun lehena da behintzat.

2017ko abenduaren 14ean Gorenak IRPHaren inguruan tramitera onartu zuen lehen kasuan banketxeen alde egin zuenetik hilabete igaro denean argitaratu den epaiak Gorenaren irizpidearen aurka egiten du eta IRPH interesaren klausula abusuzkotzat jotzen du, «Europako jurisprudentzia aplikatuz».

Abusuzko indize honen aurkako borrokan aurrerapauso oso handia da. Eta Gorenaren epai txapuzeroa aplikatzeari uko egitera ausartuko zen epaileren bat suertatzea denbora kontua bakarrik zen arren, epai honek kalteturiko pertsona guztientzat oso berri ona izaten jarraitzen du.

Gogoratu behar da Gorenaren epaiak berak bazuela boto partikular bat, bi epailek sinatua, epai hura Europako zuzenbidearen aurkakoa zela zalantza izpirik gabe esaten zuena. Amurrioko epaileak irizpide horrekin bat egiten du eta klausula bertan behera uzten du, salaketa jarri zutenek ez baitzuten interes tipoaren ingurukoak ulertzeko aukera errealik izan. Gainera, eta hau ere Europako jurisprudentzia aplikatuz, Amurrioko epaileak ez du IRPHa beste indize batekin ordezkatzen, eta mailegua interesik gabe uzten du.

Bereziki azpimarragarria da epai hau Araban ebatzia izana. Izan ere, banketxeak (Caja Rural de Navarra) ia zalantzarik gabe jarriko duen helegitea Arabako Probintzia Auzitegiak aztertu beharko du, eta berea zen pasa den abenduaren 14ean Espainiako Auzitegi Gorenak bere erabakiarekin bertan behera bota zuen epaia. Arabako Auzitegiak, beraz, erabaki beharko du Gorenaren irizpidea onartu eta bere doktrina aldatzen duen edota bere bideari tinko eusten dion, IRPHa baliogabetuz. Bada hirugarren aukera bat: Auzitegiak erabaki lezake epaiteka aurretiko galdera bat luzatzea Europar Batasuneko Justizia Auzitegiari, hark erabaki dezan gaiaren inguruan. Bistan da Arabako Probintzia Auzitegiak egiten ez badu beste epaileren batek egingo duela, eta beraz IRPHa Europan epaitua izango dela segurua da.

Europako Justizia Epaitegiak berriz ere Espainiako Auzitegi Gorena zuzentzea da beraz kalteturiko milaka familien itxaropena.

IRPH Stop Gipuzkoa plataformatik oso balorazio baikorra egiten dugu epaiaren inguruan, eta animoak helarazi nahi dizkiegu kalteturiko familia guztiei. Ez da erraza izango, baina irabaziko dugu.

Oharra: epaia eskuragarri duzu Epaitegiak atalean, eta zuzenean eskura dezakezu hemen klik eginda.

6 thoughts on “Gorenak esandakoari muzin egin eta IRPHa baliogabetzen duen lehen epaia

  1. Gracias dios hoy vuelvo al tener esperanza el tribunal supremo debería de recluta a este juez porque de este tema no hablan en la tv no lo entiendo

  2. De derrota en derrota hacia la victoria.Claro que si, una causa tan grande,injusta y evidente no se puede tapar con amiguitos politicos y jueces que hacen la vista gorda..el daño que nos hace la Banca
    vanpirizandonos y esclavizandonos tiene que hacerse justicia,Gracias a Jose Mª y Maite que son nuestros gladiadores,Titanes mas bien dicho,os temen los malos os temen,por que sois lo mejor.
    Gracias,

  3. Animo, y a recurrir todo lo que estamos afectados por ese índice tan y tan abusivo!!!!
    Yo ya he iniciado los trámites.

  4. Bienbenidas sentencias de este tipo que ademas de hacer justicia vienen a demostrar en manos de quien esta el tribunal supremo y demuestra la hipocresia sobre la independencia de la justicia respecto de los poderes pilíticos y financieros

Comments are closed.