Zenbat denbora beharko du IRPHaren inguruko Europaren epaiak?

Irailaren 10en Abokatu Nagusiak bere ondorioak ezagutzera eman zituenetik Europar Batasuneko Justizia Epaitegiaren zain egotea besterik ez dugu. Bi aste ere ez dira igaro, eta dagoeneko luze iritzita gaude. Zenbat denbora beharko du?

IRPHari dagokion erreferentzia, C-125/18 delakoa, 2018ko otsailean izan zen tramitera onartua, eta Epaitegiak 2018ko martxoaren 21ean jarri zuen abian prozedura, premiazko bidea erabiltzea baztertuz. Ahozko saioa 2019ko otsailaren 25ean izan zen Luxenburgon (11 hilabete beranduago), eta Maciej Szpunar Abokatu Nagusiak bere ondorioak otsailaren 24rako iragarri zituen arren, atzerapen bat egon zen eta azkenean 2019ko irailaren 10ean argitaratu zituen, prozedura hasi eta 17 hilabetetara.

Europar Batasuneko Justizia Epaitegiaren beraren estatistiken arabera, epaiketa aurretiko galderei erantzuteko bataz besteko denbora (prozedura hasi eta epai edo autoa ebatzi bitartekoa), 2018an 16 hilabetetako izan zen, aurreko urteetan baino luzexeagoa (2016an 15 hilabete izan ziren eta 2017an 15,7 hilabete). Honen arabera, C-125/18 dagoeneko bataz bestekoa baino gehiago ari da luzatzen.

Zenbat gehiago luzatuko da?

Europako Kontuen Epategiak 2017an Europar Batasuneko Justizia Epaitegiak gaiak kudeatzean zuen errendimenduari buruzko txosten bat prestatu zuen, eta datu interesgarriak eman zituen. Honen arabera, epaiketa aurretiko galderen kasuan ahozko saiotik Abokatu Nagusiaren ondorioak ezagutzea 3 hilabeteko epea izaten da bataz beste. IRPHaren kasuan epea luzeagoa izan da: 6 hilabete pasatxo. Bistan da gai guztiek ez dutela zailtasun maila berdina, eta argi dago Europar Epaitegia IRPHaren gaia tentuz aztertzen ari dela. Jakina da Areto Nagusira bideratu duela, 15 epailek osaturiko tribunal batekin, eta hau garrantzia handiko gaientzat bakarrik egiten du.

Kontuen Epategiaren txostenaren arabera, Abokatu Nagusiaren ondorioetatik epaiaren argitaratzera 4,5 hilabetetako tartea izan ohi da bataz beste. Ondorioz, ezin dugu espero C-125/18 asuntoaren epaia epe hori baino lehenago ezagutzea, eta horrek 2020ko urtarrilaren amaierara garamatza.

Baina zein epe behar izan dute antzeko garrantzia duten eta gai honekin lotura duten beste kasu batzuk? Ez da erraza gai “garrantzitsuen” aukeraketa bat egitea, baina IRPH Stop Gipuzkoak Maciej Szpunar Abokatu Nagusiaren idatzian aipaturiko 10 kasu berrienak hartu ditu kontuan ,eta baita Aziz kasu famatua ere (hau ere aipatzen da idatzian, nahiz eta zaharragoa izan). Ondorengo zerrendan eta grafikan ikusi ahal den moduan, kasu gehienetan 4,5 hilabeteko bataz besteko epea gainditua izan zen:

– C-415/11: 4,1 hilabete.
– C-26/13: 2,5 hilabete.
– C-421/14: 11,6 hilabete.
– C-154/15: 5,2 hilabete.
– C-508/15 eta C-509/15: 3,1 hilabete.
– C-92/16: 9,5 hilabete.
– C-167/16: 9,5 hilabete.
– C-186/16: 4,7 hilabete.
– C‑486/16: 9,5 hilabete.
– C-51/17: 4,5 hilabete.
– C-70/17: 6,3 hilabete.

Datu hauek eskuan, uste dugu epaiak 5 eta 10 hilabete arteko epea beharko duela oraindik, eta beraz 2020ko otsaila eta uztaila artean ezagutuko genuke. Tamalez tarte handi xamarra da. Nahiago genuke oker bageunde eta askoz lehenago ezagutuko bagenu! Baina dagoeneko ia 6 urte daramatzagu IRPHaren aurkako epaitegietako borroka Donostian lehendabiziko garaipenarekin hasi genuenetik, eta ez gara orain hilabete gutxi batzugatik kokilduko. Arrazoia dugu, eta horrek itxaronaldia arinduko digu 🙂

One thought on “Zenbat denbora beharko du IRPHaren inguruko Europaren epaiak?

  1. Llevo 4 abogados ya , para solucionar este asunto mio del irph en mi escritura…y hoy tras haberle pagado una cantidad de 716 eu..más darle los poderes ante notario a este último, me llama hace 10 minutos comentandome el hecho de que yo en los poderes firmados ante notario, anule una cláusula, que decía bien claro que le daba poderes al abogado para cobrar las cantidades que se recibieran lo cual me nege en rotundo a poner en dicho poder ante notario …lo cual el notario, hacepto a quitar de dicho poder notarial para pleitos…bien pues hoy me llama dicho abogado y me dice que esa cláusula hay que incluirla en dicho poder notarial…lo cual me he negado rotundamente y el 17 de octubre osea este mes en curso tengo la ausencia previa…creo que haría que regular tanto a los bancos como a ciertos abogados..me quedan como 8 días para buscar abogado decente…que creo que en España está la cosa dudosa de alcanzar…habiéndole ya pagado 716 euros de minuta..pa cagarse…mañana a correr por el 6 abogado

Comments are closed.