Mobilizazioak Kutxaren Batzar Nagusia dela-eta

kutxa_entzun

Aste honetan Kutxaren Batzar Nagusia elkartuko da, eta Kaleratzeak Stop-ekin batera honako mobilizazioak antolatu ditugu:

– Asteazkena, ekainak 18, goizeko 10:30tan Garibai kaleko Kutxa aurrean: batzarraren aurretiko prentsaurrekoa.
– Ostirala, ekainak 20, 15:30 Kutxa aurrean Garibai eta Andia kaleen kantoian: batzarraren aurrean elkarretaratzea.

Gure aldarrikapenak oinarrizko hiru puntu hauetan laburbildu daitezke:

– Etxea ordainetan eman eta alokairu soziala. Fede oneko zordunentzat bigarren aukera bat. Kaleratzerik ez.
– IRPHaren aldaera ororen atzera eraginezko ordezkatze unibertsala, Euribor indizearekin eta gehienez %1ekoa izango den diferentzial batekin.
– Kutxen pribatizaziorik ez.

Zatoz!

Elkartasun azoka

mercadillo

IRPHaren aurkako borrokaren gastuei aurre egiteko, bigarren eskuko azokatan esku hartzea erabaki dugu. Estreinaldia pasa den maiatzaren 4ean izan zen, Intxaurrondon. Adi! Hemendik aurrera beste auzo eta herri askotan izango gara. Erabiltzen ez duzun trasteren bat eman nahi baldin badiguzu eskertuko dizugu. Eta gogoratu dirulaguntzak ere onartzen ditugula (Kontu korrontearen zenbakia 3035 0049 09 0491091071, Laboral Kutxan). Jasotako diru guztia borrokaren gastuetan erabiliko da: tasa judizialak, fotokopiak, etabar.

Kutxaren aurrean elkarretaratzea

140424_garibai

Pasa den apirilaren 24ean, Kaleratzeak Stop-ekin batera elkarretaratzea egin genuen Garibai kaleko Kutxaren aurrean. Bertan salatu genuen Kutxak IRPH aplikatzen jarraitzen duela, eta ez duela etxea ordainetan hartu eta alokairu soziala eskeintzen. IRPHa mantentzean PNV eta PSEk azaltzen duten hipokrisia salatu genuen, eta indize kriminal horri eusteko CCOO eta Pixkana sindikatuen laguntza dutela ere bai. Gainera, idatzi bat sartu genuen, administrazio kontseiluaren hurrengo bileran gai hauek aztertu ditzaten.

Ikusi berria hemen: Diario Vasco, Naiz.

IRPH STOP, kaleratzeak STOP, pribatizazioa STOP

Martxoaren 27an, Kutxako Administrazio Kontseiluaren bilera zela eta, IRPHaren kaltedunok Kaleratzeak Stop eta beste gizarte eragile batzuekin batera Kutxaren Garibai kaleko egoitzaren aurrean elkarretaratzea egin genuen.

Barruan PSE (ustezko sozialistak), eta CCOO (ustezko “obreroak”) eta Pixkanaka sindikatuek PNVrekin bat egin zuten berriz ere, eta IRPH aplikatzeari uzteko EH Bilduk aurkeztu zuen hamaikagarren ekimena baztertu zuten.

Naiz-ek ondoko berriak argitaratu ditu honen inguruan: EH Bildu pide que la Asamblea de Kutxa debata sobre la Ley de Fundaciones Bancarias,  Iturbe tumba la iniciativa que garantiza la Obra Social en Kutxa

Elkarretaratzea Administrazio Kontseiluaren aurrean

Troika_deialdia

Ostegunean, hilak 27, arratsaldeko 16:00-tan Kutxaren Garibai kaleko egoitza aurrean elkartuko gara administrazio kontseiluaren bilera dela-eta. Kaleratzeak Stop-eko gure adiskideekin batera IRPH aplikatzea eta bestelako abusuak salatuko ditugu, eta pribatizazioaren aurka ere egingo dugu.

Kutxabanken zuzendaritzak kutxak eta euren gizarte ekintza deuseztu nahi ditu, hiritarrok nahiago dugun eredua eztabaidatzeko aukerarik eman gabe. Ezin dugu onartu. Beste eredu bat posible dela uste dugu eta horren alde borroka egingo dugu. Sinadura bilketa honekin bat egin dezakezu. Bertan azaltzen dira saldu nahi diguten pribatizazio prozesuari aurre egiteko arrazoiak: No a la privatización de KUTXABANK/ Kutxabanken kontrol publiko osoaren alde.